ភ្នំពេញ៖ អភិបាលរងរាជធានីភ្នំពេញ លោក នួន ផារ័ត្ន ចុះពិនិត្យលើការអនុវត្តសាកល្បងនៃគម្រោងចំណតរង់ចាំឆ្លាត (Smart Bus Shelter) ជាមួយអ្នកជំនាញការជប៉ុន នៅរសៀលថ្ងៃទី២០ ខែធ្នូ ឆ្នាំ២០២២នេះ។
ការអនុវត្តសាកល្បងនៃចំណតរង់ចាំឆ្លាតនេះ មានចំនួន ២ទីតាំងស្ថិតនៅខាងមុខមន្ទីរពេទ្យព្រះអង្គដួង និងនៅខាងមុខវិទ្យាល័យព្រះស៊ីសុវត្ថិ តាមដងមហាវិថីព្រះនរោត្តម។
លោកបញ្ជាក់ថាគម្រោងនេះនឹងចូលរួមបង្កភាពងាយស្រួល និងផ្តល់ទំនុកចិត្តបន្ថែមទៀត ជូនដល់ប្រជាពលរដ្ឋ មកលើសេវាដឹកជញ្ជូនសាធារណៈរថយន្តក្រុង តាមរយៈការបំពាក់សម្ភារបរិក្ខារឆ្លាតមួយចំនួន រួមមាន ការបំពាក់កាមេរ៉ាសុវត្ថិភាព អំពូលភ្លើងប្រើប្រាស់ថាមពលព្រះអាទិត្យ ផ្ទាំង LED ដែលមានបញ្ជាក់ពីទីតាំងជាក់ស្តែងរបស់រថយន្ត និងថេរវេលាដែលរថយន្តនឹងមកដល់ចំណតរង់ចាំ។
អភិបាលរងរាជធានីភ្នំពេញរូបនេះបានបញ្ចាក់ថា គម្រោងនេះជាផ្នែកមួយនៃកិច្ចសហប្រតិបត្តិការទីក្រុងឆ្លាតអាស៊ាន-ជប៉ុន។
